Þróttarar úr Neskaupstað skildu Aftureldingarmenn eftir á botni Mizuno-deildar karla í blaki með því að sigra þá 3:1 fyrir austan í kvöld.
Þetta var fyrri viðureign liðanna af tveimur en þau mætast aftur í Neskaupstað á morgun klukkan 13. Þróttur er nú með 11 stig í fjórða og næstneðsta sæti en Aturelding er með 6 stig á botninum.
Þróttur vann fyrstu tvær hrinurnar, 25:17 og 25:21, en Mosfellingar unnu þriðju hrinu 25:17. Þær tölur komu upp í þriðja sinn þegar Þróttur vann fjórður hrinu 25:17 og leikinn þar með.
Miguel Mateo skoraði 37 stig fyrir Þrótt og Atli Fannar Pétursson 6. Piotr Kempisty skoraði 18 stig fyrir Aftureldingu og Alexander Stefánsson 9.