Afturelding varð um helgina Íslandsmeistari í taekwondo í fyrsta skipti og rauf áralanga sigurgöngu Keflvíkinga í íþróttinni en Íslandsmótið var haldið í Keflavík.
Daníel Jens Pétursson og Kristín Björg Hrólfsdóttir frá Selfossi voru valin keppendur mótsins en þau unnu bæði til gullverðlauna í sínum flokkum.
Völsungur frá Húsavík sendi í fyrsta sinn keppendur á mótið og náði í ein silfurverðlaun en þau hlaut hin tólf ára gamla Arnhildur Hrönn Annýjardóttir.