Jórunn setti Íslandsmet Egilshöll

Jórunn Harðardóttir setti nýtt Íslandsmet í dag.
Jórunn Harðardóttir setti nýtt Íslandsmet í dag. Ljósmynd/Skotíþróttasamband Íslands

Á landsmóti Skotíþróttasambands Íslands í Þrístöðu-riffli af 50 metra færi, sem fram fór í Egilshöllinni í dag, setti Jórunn Harðardóttir úr Skotfélagi Reykjavíkur nýtt Íslandsmet í kvennaflokki með 1.095 stig.

Í öðru sæti varð Bára Einarsdóttir úr Skotíþróttafélagi Kópavogs með 1.017 stig og í þriðja sæti í kvennaflokki varð Guðrún Hafberg úr Skotíþróttafélagi Kópavogs með 983 stig.

Í karlaflokki sigraði Guðmundur Helgi Christensen úr Skotfélagi Reykjavíkur með 1.090 stig, annar varð Leifur Bremnes úr Skotíþróttafélagi Ísafjarðar með 995 stig í þriðja sæti hafnaði Þorsteinn Bjarnarson úr Skotfélagi Reykjavíkur með 957 stig.

mbl.is
Fleira áhugavert
Fleira áhugavert