Hið nýja handknattleiksfélag Mílan vann sigur í sínum fyrsta leik, 21:15, þegar það mætti Hömrunum á Selfossi í 1. deild karla í handknattleik dag. Víkingur vann KR af öryggi, 28:20.
Mílan sendir nú í fyrsta sinn lið til keppni og eftir jafnan fyrri hálfleik vann liðið að lokum sex marka sigur. Örn Þrastarson, Óskar Kúld og Ársæll Einar Ársælsson voru markahæstir hjá liðinu með 4 mörk hver en Róbert Sigurðarson gerði 6 mörk fyrir norðanmenn sem töpuðu einnig gegn Selfossi í gær.
Víkingar eru með öflugt lið sem spáð er sigri í 1. deildinni og þeir áttu ekki í teljandi vandræðum með KR í dag, en staðan í hálfleik var 11:7. Magnús Gunnar Erlendsson átti góðan leik í markinu fyrir framan hávaxna vörn þar sem hafa bæst við menn á borð við Ægi Hrafn Jónsson sem kom frá Val. Egill Björgvinsson og Arnar Theodórsson voru markahæstir Víkinga með fimm mörk en Fannar Kristmundsson skoraði fjögur fyrir KR.