Handknattleiksdómararnir Anton Gylfi Pálsson og Jónas Elíasson, hafa nú fengið sitt fyrsta alþjóðlega verkefni síðan þeir voru sendir heim af heimsmeistaramóti kvenna í handknattleik í Danmörku í desember.
Þeir félagar hafa verið settir dómarar á viðureign pólska liðsins Vive Kielce og Rhein-Neckar Löwen frá Þýskalandi Meistaradeild Evrópu í karlaflokki sem fram fer í Kielce í Póllandi 20. febrúar.
Um sannkallaðan stórleik er að ræða þar sem liðin eru í öðru og þriðja sæti B-riðils Meistaradeildar en riðlakeppninni lýkur senn.
Anton og Jónas dæmdu nokkra leiki í Meistaradeildinni fyrir ármótin við góðan orðstír.