Í kvöld fer fram Hafnarfjarðarslagur á milli FH og Hauka í næstsíðustu umferð Olís-deildar karla í handbolta fyrir jóla- og HM-frí.
Staða liðanna í deildinni skiptir ekki öllu máli þegar montrétturinn er í húfi, en nú er jafnvel enn meira undir en vanalega þar sem eitt stig skilur liðin að og bæði eru þau í toppbaráttunni.
Vel gæti farið svo að annað liðanna haldi jólin í toppsæti deildarinnar en Selfoss á einnig möguleika á því. Liðið tekur í kvöld á móti ÍR í sínum næstsíðasta leik fyrir fríið.
Síðasta umferð fyrir jól er svo næsta sunnudag og mánudag.