Handknattleiksmaðurinn Bjarni Ófeigur Valdimarsson mun ganga til liðs við KA frá þýska liðinu Minden í sumar.
Bjarni, sem er 25 ára gamall, skrifar undir þriggja ára samning við Akureyrarfélagið.
Bjarni hefur verið hjá Minden undanfarið ár en hann gerði garðinn frægan með sænska liðinu Skövde fyrir það.
Var Bjarni kallaður inn í íslenska landsliðshópinn á Evrópumótinu í Ungverjalandi árið 2022 þegar Ísland hafnaði í sjötta sæti.
✍🏻🤾♂️RISAFRÉTTIR! Við bjóðum Bjarna Ófeig Valdimarsson hjartanlega velkominn í KA! 👏🏻 #LifiFyrirKA #olisdeildin pic.twitter.com/7apacHqQDF
— KA (@KAakureyri) March 19, 2024