Bandaríkin unnu gullverðlaunin í íshokkí kvenna í fyrsta skipti í 20 ár en þær bandarísku höfðu betur gegn fjórföldum ólympíumeisturum Kanada í úrslitaleiknum á Vetrarólympíuleikunum í Pyeongchang í morgunsárið að íslenskum tíma.
Kanada, sem hafði unnið 24 leiki í röð á Ólympíuleikum, mátti sætta sig við tap, 3:2, þar sem úrslitin réðust í vítakeppni. Lamoureux-Davidson tryggði bandaríska liðinu sigurinn í vítakeppninni.
Þetta er fyrsti ólympíumeistaratitill Bandaríkjamanna í íshokkí kvenna frá því á leikunum í Nagano árið 1998.