Westbrook og félagar í sumarfrí
Setja bókamerki
Russell Westbrook og félagar hans hjá Oklahoma City Thunder eru úr leik í úrslitakeppni NBA-deildarinnar í körfuknattleik eftir tap fyrir Houston Rockets, 105:99, í fjórðu viðureign liðanna. Houston fer áfram í undanúrslit, samanlagt 4:1.
Það má með sanni segja að Westbrook hafi þó kvatt með stæl, en hann skilaði 47 stigum, 11 fráköstum og gaf níu stoðsendingar. James Harden hjá Houston, sem einnig hefur farið á kostum í vetur, skoraði 34 stig.
San Antonio Spurs er svo komið yfir í einvíginu við Memphis Grizzlies að nýju eftir sigur í nótt, 116:103, og er staðan í rimmunni 3:2. Kawhi Leonard skoraði 28 stig fyrir Spurs og Mike Conley 26 stig fyrir Memphis. San Antonio er einum sigri frá undanúrslitum.
Utah er svo sömuleiðis komið í 3:2 gegn Los Angeles Clippers eftir annan sigurinn í röð á heimavelli Clippers í nótt, 96:92. Gordon Hayward skoraði 27 stig fyrir Utah og Chris Paul skilaði 28 stigum fyrir Clippers, en Utah er einum sigri frá undanúrslitum.
Úrslit gærkvöldsins í vesturdeildinni:
San Antonio Spurs – Memphis Grizzlies 116:102 (3:2)
Houston Rockets – Oklahoma City Thunder 105:99 (4:1)
Los Angeles Clippers – Utah Jazz 92:96 (2:3)
„Við erum ekki hafin yfir gagnrýni“
Quang Le: „Ég gerði ekkert rangt“
Tengsl við undirheima ekki hluti af rannsókninni
Enn langt í að rannsókn málsins ljúki
Konur álitnar annars flokks borgarar
Er 83% skattur á hagnað hæfilegur?
/frimg/1/51/65/1516515.jpg)
Sigrún og Gestur forstjórar nýrra stofnana