Isaiah Thomas tryggði Cleveland sigur gegn Orlando, 104:103, þegar liðin áttust við í NBA-deildinni í körfuknattleik í nótt.
Thomas skoraði úr tveimur vítaskotum 11 sekúndum fyrir leikslok en hann skoraði 21 stig í leiknum. LeBron James skoraði 16 stig og vantar nú aðeins 25 stig til að brjóta 30 þúsund stiga múrinn en aðeins sex leikmenn í sögu NBA-deildinni hafa náð því.
Eric Gordon skoraði 30 stig fyrir Houston í sigri liðsins gegn Minnesota, 116:98. James Harden mætti til leiks að nýju eftir að hafa misst af sjö leikjum vegna meiðsla. Hann skoraði 10 stig og gaf 7 stoðsendingar. Jimmy Butler var stigahæstur í liði Minnesota með 23 stig.
Úrslitin í nótt:
Boston - Philadelphia 80:89
Cleveland - Orlando 104:103
Houston - Minnesota 116:98
Portland - Indiana 100:86