Körfuknattleikssamband Íslands framlengdi í dag samstarf sitt við Lykil til næstu tveggja ára en þetta kemur fram í fréttatilkynningu sem KKÍ sendi frá sér en Lykill hefur verið samstarfsaðili KKÍ síðustu ár.
Hannes S. Jónsson, formaður KKÍ, og Herbert Arnarson, lánastjóri Lykils, undirrituðu nýjan samningin á æfingu íslenska kvennalandsliðsins í Egilshöllinni en íslenska kvennalandsliðið mætir Slóvakíu og Bosníu í lokaleikjum sínum í undankeppni EM 2019 dagana 17. og 21. nóvember næstkomandi í Laugardalshöllinni.