Valur og Grindavík eigast við í þriðja leik liðanna í úrslitaeinvigi Íslandsmóts karla í körfuknattleik í Valsheimilinu á Hlíðarenda í kvöld.
Staðan í einvíginu er jöfn, 1:1, en Valur vann fyrsta leikinn á Hlíðarenda, 89:79, en Grindavík svaraði í Smáranum, 93:89.
DeAndre Kane hefur skorað langmest í liði Grindvíkinga en hann skoraði 37 stig í fyrsta leiknum og 35 í öðrum. Hjá Val hafa stigin dreifst betur.
Liðið sem sigrar í kvöld verður einum sigri frá Íslandsmeistaratitlinum og því mikið undir. Leikurinn hefst klukkan 19:15 og verður í beinni textalýsingu á mbl.is.