Kraftlyftingakeppni Reykjavíkurleikanna fer fram í Laugardalshöll í dag klukkan 10:00-14:00. Flest af besta kraftlyftingafólki landsins tekur þátt ásamt feikna sterkum erlendum keppendum.
Á meðal keppenda er ríkjandi heimsmeistari kvenna í -72 kg flokki, Kimberly Walford. Þetta er í þriðja sinn sem Kimberly kemur á Reykjavíkurleikana. Þegar hún mætti síðast, árið 2017, setti hún heimsmet í réttstöðulyftu.
Einnig er á meðal keppenda ríkjandi Evrópumeistari karla í +120 kg flokki, Siim Rast frá Eistlandi, en hann er einnig annar á heimslistanum í +120 kg flokki. Siim hefur ekki tekið þátt í Reykjavíkurleikunum áður.
Hægt verður að fylgjast með keppninni í beinni útsendingu hér á vefnum.