Kínverska lögreglan hefur í haldi starfsmenn kjötframleiðslufyrirtækis þar í landi sem sakað er um að hafa selt útrunnið kjöt til skyndibitakeðja. Fyrirtækið er í eigu Bandaríkjamanna.
Lögreglan segist hafa fimm starfsmenn Shanghai Husi Food Co. í haldi en fyrirtækið seldi m.a. McDonalds, KFC, Pizza Hut og Burger King kjöt. Meðal hinna handteknu eru tveir yfirmenn fyrirtækisins.
Yum, móðurfélag KFC og Pizza Hut, tilkynnti í dag að það hefði hætt viðskiptum við OSI Group, móðurfélag Shanghai Husi. Yum útilokar ekki málsókn en opinber rannsókn fer nú fram á málinu.
Frétt mbl.is: Útrunnið kjöt selt á McDonalds