Auglýst eftir bankastjóra

Staða bankastjóra Landsbankans er auglýst í dagblöðum í dag. Meðal þess sem krafist er af umsækjendum eru ótvíræðir leiðtoga- og stjórnunarhæfileikar, framúrskarandi hæfni í mannlegum samskiptum, heiðarleiki og fagleg vinnubrögð og yfirgripsmikil þekking á íslensku viðskiptaumhverfi og fjármálamarkaði auk háskólamenntunar sem nýtist í starfinu.

Frétt mbl.is: Steinþór fær greidd laun í eitt ár

Starfið er auglýst í kjölfar þess að samið var um starfslok Steinþórs Pálssonar, fyrrverandi bankastjóra Landsbankans, í kjölfar mikillar gagnrýni á bankann vegna sölu á eignarhlutum í fyrirtækjum í eigu bankans. Ríkisendurskoðun sendi frá sér skýrslu í síðasta mánuði þar sem framganga Landsbankans við eignasöluna var harðlega gagnrýnd.

• Blogga um frétt