WOW air flýgur á ný til Tel Aviv
Setja bókamerki
WOW air mun hefja flug á ný til Tel Aviv í Ísrael næsta sumar. Flugfélagið tilkynnti í júlí að flugi til borgarinnar yrði hætt í október en WOW air hóf flug til Ísrael í september í fyrra. Wow mun hins vegar hætta að fljúga til St. Louis.
Flogið verður þangað fjórum sinnum í viku, líkt og áður; á þriðjudögum, miðvikudögum, fimmtudögum og laugardögum. Flug hefst 11. júní og stendur út október 2019. Sala flugsæta hefst á morgun, miðvikudag, klukkan 10.
Haft er eftir Skúla Mogensen, forstjóra og stofnanda WOW air, í tilkynningu, að félagið hafi fundið fyrir miklum áhuga á flugleiðinni og að mikil ánægja ríki með að geta hafið flug til Ísrael að nýju. „Bæði hafa Ísraelar mikinn áhuga á að heimsækja Ísland auk þess sem tengingin við Norður-Ameríku undirstrikar okkar sérstöðu á markaðnum,“ er haft eftir Skúla.
Hætta flugi til St Louis um áramótin
Á vefnum Túristi.is er fjallað um frekari breytingar á flugferðum WOW air eftir að skuldabréfaútboði félagsins lauk. Þar kemur meðal annars fram samkvæmt tilkynningu frá flugmálayfirvöldum í St Louis í Bandaríkjunum hafa stjórnendur WOW air ákveðið að hætta flugi til borgarinnar eftir áramót.
Aðrar breytingar sem gerðar hafa verið á flugi WOW air síðasta mánuðinn er vetrarfrí á flugi til San Francisco, Stokkhólms og Edinborgar. Þá hefur ferðum til Nýju-Delí verið fækkað en það mun tengjast seiknun á afhendingu á nýrri breiðþotu frá Airbus.
Gígbarmurinn hækkað frá því í gær
Banna mengandi búnað sem leyfður er á Íslandi
Vélsleðaslys: Þyrlan kölluð út á mesta forgangi
„Það þarf að vinna mikinn fjölda upp“
Shakespeare fannst í skókassa
Skar höfuðleðrið af íslenskri konu