Crymogea gjaldþrota

Bókaútgáfan Crymogea hefur verið úrskurðuð gjaldþrota. Var það gert með úrskurði héraðsdóms í síðustu viku og var skiptastjóri í kjölfarið skipaður í búið.

Crymogea var stofnuð árið 2007 og lagði frá upphafi meðal annars áherslu á handbragð og stíl bóka sem þar voru gefnar út. Útgáfan stóð meðal annars að útgáfu ljósmyndabókar eftir Ragnar Axelsson (RAX) og Pál Stefánsson.

Frétt af mbl.is

Kýrverð fyrir bók Benedikts

Útgáfan gaf einnig út Flora Islandica og Íslenska fugla, sem upphaflega var eftir Benedikt Gröndal. Báðar síðarnefndu bækurnar voru gefnar út í takmörkuðu upplagi og tölusettum eintökum, annars vegar 500 og hins vegar 100 eintökum. Kostaði Flora Islandica tæplega 100 þúsund krónur, en Íslenskir fuglar kostaði 230 þúsund krónur. Var sú síðarnefnda handbundin í íslenskt sauðskinn og afhent í viðarkassa.

Meðal bóka sem Crymogea gaf út var Flora Islandica. mbl.is/Ernir Eyjólfsson

• Blogga um frétt