Smartland Mörtu Maríu | Frami | mbl | 22.11.2014 | 22:00

Svona er morgunrútína kvenleiðtoganna

Stacey Bendet fer á fætur klukkan 4:45. AFP

Klukkan hvað vakna kvenleiðtogarnir og hvað gera þær á morgnana? Hvað borða þær og hvernig forgangsraða þær? Hvernig fara þær að því að koma svona miklu í verk?

Á vef Forbes er listi yfir tólf öflugar konur sem byrja daginn snemma. Listanum fylgja svo morgunrútínur þeirra sem eru margar hverjar öfundsverðar. Svona kemst maður víst langt í lífinu. Hérna koma þrír dugnaðarforkar og morgunrútínur þeirra.

1. Stacey Bendet, hönnuður hjá Alice and Olivia

4:45 Vakna og fæ mér morgunkorn. Svo geri ég ashtanga-jóga í klukkustund.

6:00 Dætur mínar vakna og ég útbý morgunmat handa þeim - græna mjólk (möndlumjólk, kókosvatn, banani og spínat) og pönnukökur. Svo hleyp ég niður og klæði mig á meðan þær borða. Svo klæði ég og greiði þeim.

8:00 Við förum af stað og ég skutla þeim í skólann og fer svo í vinnuna.

8:45 Ég er komin í vinnuna. Ég nota fyrstu klukkustundina í hugmyndavinnu.

2. Nell Scovell, handritshöfundur 6:43 Vekjaraklukkan hringir, það er bannað að „snúsa“. Ég klæði mig í John Eshaya joggingbuxur og klossa. 6:50 Ég útbý kaffi og set vegan múffu í örbylgjuofninn. 6:55-7:15 Ég skoða tölvupóstinn minn, Facebook, TalkingPointsMemo og Jezebel á meðan ég borða. 7:14 Loka tölvunni. 7:15-7:45 Útbý morgunmat fyrir fjölskylduna. Þegar ég er að framleiða eða leikstýra þá næ ég sjaldan heim fyrir kvöldmat til að elda. Þess vegna reyni ég að einblína á morgunmatinn í staðin. 7:45 Krakkarnir yfirgefa húsið með eiginmanni mínum. Ég vaska upp. 7:50 Ég kíki aftur í tölvuna. 8:15- 9:15 Ég stunda líkamsrækt og reyni að horfa á sjónvarpið á sama tíma. 9:15-9:30 Fer í sturtu, klæði mig, sleppi því að þurrka á mér hárið (of tímafrekt). 9:30 – ? Skrifa, skrifa, skrifa.

3. Sally Susman, framkvæmdarstjóri 5:44 Innri vekjaraklukkan mín vekur mig, án undantekningar. Hún vekur mig alltaf einni mínútu áður en iPhone vekjaraklukkan hringir. 6:00 Ég kíki á tölvupóstinn og fréttaveiturnar. 6:10 Fer í sturtu og klæði mig. 6:20 Drekk kaffi og skrifa smá, drauma, skáldskap eða dagbókarfærslu. 6:45 Fer út og kaupi dagblöð. 7:00 Geng rösklega á skrifstofuna eða tek leigubíl ef veðrið er vont. 7:15 Gríp með mér kaffi á leiðinni og kannski hafragraut eða vefju. 7:20 Ég er mætt í vinnuna 7:30 Ég tek fram skrifblokk og útbý lista yfir þá hluti sem ég ætla að afreka þann daginn. 7:45 Skoða þau óteljandi skilaboð sem mér berast. 8:00 Fer á fundi. Þessar morgunrútínur og fleiri má finna á heimasíðu Forbes.