Óþekk börn verða tekjuhærri

Rannsókn sýndi að börn sem hundsuðu reglur og óhlýðnuðust foreldrum sínum voru líklegri til að vera með hærri laun. Það er því líklegt að barnið sem heimtar stærstu kökusneiðina heimti mestu launahækkunina. 

Samkvæmt Indy100 voru 700 manneskjur skoðaðar frá barnsaldri fram á miðjan aldur. Eftir að hafa skoðað hversu vel börn fylgdu reglum, hversu námsfús, frek og óhlýðin þau voru og báru það saman laun kom í ljós að þau erfiðu voru með hærri laun. 

Rannsóknin er hins vegar ekki gallalaus enda er ekki tekið til greina hvaða starfsvettvang fólk hefur kosið sér. Því er ekki gerður greinarmunur á glæpamanni eða lögfræðingi. Samt sem áður er persónuleiki fólks betur til þess fallinn en til dæmis greindarvísindatala að spá fyrir um hvernig manneskju á eftir að ganga í lífinu. 

mbl.is/AFP

• Blogga um frétt