Katrín Middleton, hertogaynja af Cambridge, er augljóslega mikill klaufabárður en hún skartar reglulega plástrum á höndum sínum.
Katrín, sem er vel þekkt fyrir að ganga í fallegum fötum, skarta fallegri hárgreiðslu og vera með vel snyrtar hendur á það augljóslega til að fá skrámur á fingurna.
Margsinnis hafa náðst af henni myndir þar sem hún skartar ósjálegum plástrum á annars vel snyrtum höndum, eins og fram kemur í frétt Daily Mail.
Katrín virðist hafa orðið fyrir óhappi í jólafríinu, en hún var með plástur á þumalfingri þegar hún fór í messu á jóladag.
AFP
Í nóvember heimsótti hertogaynjan náttúruminjasafnið, og skartaði sínu fínasta. Eitthvað virðist þó hafa komið upp á, enda mátti sjá plástur á öðrum þumalfingri hennar.
Skjáskot / Daily Mail
Katrín er meiri klaufabárðurinn, enda bar hún plástur í opinberri heimsókn sinni sem einnig fór fram í nóvember.
Skjáskot / Daily Mail
Hér má sjá hertogaynjuna í ágúst. Og viti menn, á öðrum þumalfingri hennar leynist plástur.
Skjáskot / Daily Mail
Þumlarnir eru ekki einu fingurnir sem eru í hættu. Í febrúar var það vísifingurinn sem varð fyrir hnjaski.
Skjáskot / Daily Mail
Í raun virðist þetta vera sagan endalausa því hér má sjá hertogaynjuna árið 2008 þar sem hún er að yfirgefa næturklúbb. Og hvað sjáum við á þumalfingri hennar? Plástur að sjálfsögðu.
Skjáskot / Daily Mail