Svona áttu að fara að því að grennast

Eftirbruni sér til þess að líkami þinn heldur áfram að brenna aukafitu löngu eftir að þú hefur sparkað af þér íþróttaskónum.  Í nýjasta pistli Ágústu Johnson fjallar hún um eftirbrunann, sem er svo eftirsóknarverður, því með honum náum við árangri. 

Hvað er eftirbruni eða EPOC?
Þegar þú byrjar að hreyfa þig þarf líkami þinn aukna orku.  Í upphafi vinnur líkaminn loftfirrt þar til súrefnisnotkun eykst og líkaminn skiptir yfir í loftháða kerfið sem nýtir fyrst og fremst fitu sem orkugjafa. Loftfirrða kerfið vinnur án súrefnis. Það þýðir að líkaminn fer í svokallaða súrefnisskuld sem þarf að endurgjalda eftir að æfingu lýkur með aukinni súrefnisnotkun og hraðari efnaskiptum.  (Smá lífeðlisfræði...ekki hætta samt að lesa :-))

Eftirbruni stendur sem sagt  fyrir þá súrefnisnotkun sem líkaminn þarf á að halda til að komast aftur niður í hvíld (eðlilegt ástand) eftir álag erfiðrar loftfirrðar æfingar. Eftir snarpa og erfiða loftfirrða æfingu þarf líkaminn að hamast við að endurnýja súrefnisbirgðir og efnasambönd, losa líkamann við mjólkursýru, kæla líkamann o.fl. 

Hvaða æfingar stuðla að mestum eftirbruna?
Tveir lykilþættir hafa mest áhrif á eftirbruna, ákefð æfingarinnar annarsvegar og lengd æfingarinnar hinsvegar. Af þeim tveim hefur ákefðin meiri áhrif. Talið er að það taki líkamann allt frá 15 mín. og upp í 48 klukkustundir  að ná fullkomnu hvíldarástandi eftir æfingu.  

Eftirbruni verður mestur í æfingum sem eru stundaðar á meira álagi en 75% af hámarkssúrefnisupptöku.  Því meiri sem áreynslan er í æfingunni því meiri verður eftirbruninn og því lengur varir hann og því fleiri hitaeiningum brennir líkaminn.  

HÉR er hægt að lesa pistil Ágústu Johnson í heild sinni. 

• 3 blogg um fréttina

Bloggað um fréttina

• Ómar Ragnarsson: Maðurinn er það sem hann étur og brennir ekki.
• Jóhannes Ragnarsson: Nú ætti atvinnuspikbræðslufólk að venda sínu kvæði í kross
• Magnús Ágústsson: Ukin bruni