Omega-3 fitusýrur draga úr reykingum

Ætlar þú að hætta að reykja? Þá gætu omega-3 fitusýrur verið svarið fyrir þig. Samkvæmt niðurstöðum nýrrar rannsóknar, sem unnin var við háskólann í Haifa í Ísrael,  geta fæðubótaefni sem innihalda ríkulegt magn omega-3 fitusýra dregið úr lönguninni í nikótín.

Rannsóknin var framkvæmd þannig að 48 reykingamönnum sem höfðu reykt í 11 ár eða lengur var skipt handahófskennt í tvo hópa. Hver og einn einstaklingur í öðrum hópnum átti að taka inn omega-3 fæðubótarefni á hverjum degi í einn mánuð. Hinn hópurinn fékk lyfleysu.

Eftir einn mánuð höfðu þeir sem tóku inn omega-3 fæðubótaefnið minnkað reykingarnar um 11 prósent að meðaltali á meðan þeir sem tóku inn lyfleysu reyktu jafn mikið.

Vísindamaðurinn sem stýrði rannsókninni, Sharon Rabinovitz Shenkar, er ánægð með niðurstöðurnar. „Þau lyf sem standa reykingamönnum til boða í dag til að draga úr reykingum eru ekki mjög áhrifarík og valda ýmsum slæmum aukaverkunum. Niðurstöður rannsóknarinnar leiddu í ljós að omega-3 fitusýrur, ódýrt og aðgengilegt fæðubótarefni, dregur verulega úr reykingum,“ sagði Shenkar í viðtali við DailyMail.

Stress ýtir undir löngunina í nikótín

Reykingar eru sagðar hafa slæm áhrif á þær fitusýrur sem eru í heilanum sem veldur því þá að heilastarfsemin er ekki eins góð og ætla mætti. Þetta verður til þess að reykingamenn eiga ómeðvitað erfiðara með að standast löngunina í meira nikótín samkvæmt upplýsingum sem gefnar voru út með rannsókninni.

„Eldri rannsóknir hafa þá leitt í ljós að skortur á omega-3 fitusýrum hefur einnig áhrif á andlega heilsu okkar,“ útskýrði Shenkar sem telur stress og andlegt ójafnvægi oft leiða til þess að reykingamenn láti undan lönguninni í nikótín.

Niðurstöðurnar voru upphaflega kynnar í læknatímaritinu Journal of Psychopharmacology.

Það er erfitt að hætta að reykja en omega-3 fitusýrur gætu gert það auðlveldara. acne einstein

• Blogga um frétt