Reykir þú eina á djamminu?

Það eru margir sem telja sig ekki vera reykingamenn en leyfa sér samt eina eða tvær sígarettur annað slagið í góðra vina hópi. Það er þó alls ekki hættulaust að reykja eina sígarettu á viku samkvæmt nýjum upplýsingum sem ameríska krabbameinsfélagið gaf út.

Leikkonan heilsumeðvitaða Gwyneth Paltrow er einmitt ein þeirra sem leyfa sér að reykja eina sígarettu í réttum kringumstæðum. Hún mun kannski hætta því þegar hún sér þessar niðurstöður sem krabbameinsfélagið kynnti nýverið á ráðstefnu.

Halda að það sé skaðlaust að reykja lítið

Á ráðstefnunni var greint frá því að aðeins ein sígaretta getur haft mikil áhrif. Hjartsláttartíðnin eykst til muna og blóðþrýstingurinn fer upp úr öllu valdi um leið og við tökum einn „smók“.

„Þetta fólk [sem reykir lítið og sjaldan] hefur tilhneigingu til að halda að það sé ekki að gera neitt heilsuspillandi,“ sagði einn rannsakandinn sem vill benda á að reykingar, hvort heldur sem sem er í litlu eða miklu magni, hafa afar slæm áhrif á hjarta- og æðakerfið.

Á ráðstefnunni var einnig greint frá því að það tekur lungun margar vikur og jafnvel mánuði að jafna sig eftir reykingar, þetta uppgötvar fólk svo þegar þolið er ekki eins og það á að sér að vera.

Það er alls ekki skaðlaust að reykja „bara“ eina sígarettu á viku. mbl.is/Ásdís Ásgeirsdóttir

• Blogga um frétt