Nýjasta æðið er „sinnepsbað“

„Vissir þú að íþróttafólk lofsamar sinnepsböð? Eftir smá rannsóknarvinnu komst ég að því að a) fólk notar ekki venjulegt sinnep í slík böð og b) þetta er aldagömul hefð sem reka má til Forn-Grikkja,“ skrifar blaðakonan Lauren Valenti í pistil sinn á Marie Claire.

Sinnepsbaðið á að draga úr þrota, auka blóðflæði og losa líkamann við eiturefni. Þessi meðferð mun hafa yngjandi áhrif á húðina að sögn Valenti sem vildi ólm fá að prófa. Hún fjárfesti í sinnepsdufti frá Dr. Singha.

„Eitt kvöldið eftir vinnu bætti ég einni matskeið af þessu ljósgula dufti út í volgt baðvatnið,“ skrifar Valenti. „Þetta var góð tilfinning, fyrir utan að mig sveið í sár sem ég var með á fætinum. Þetta dót er kröftugt. Þetta var svolítið eins og að baða sig í reykelsi.“ Eftir baðið fór Valenti svo í kalda sturtu, þerraði sig og bar á sig líkamskrem.

„Ég vaknaði með þessa dúnmjúku og ljómandi húð sem angaði af kryddi allan daginn,“ skrifar Valenti sem mælir eindregið með sinnepsbaði.

Sinnepsduftið frá Dr. Singha er öflugt.

• Blogga um frétt