Ragnheiður Eiríksdóttir hjúkrunarfræðingur fór í magabandaaðgerð á laugardaginn hjá Auðuni Sigurðssyni lækni. Áður en Ragnheiður fór í aðgerðina pantaði hún sér pítsu og naut síðustu kvöldmáltíðarinnar eins og hún segir frá í bloggfærslu inni á bleikt.is.
Með í för til Keflavíkur, þar sem aðgerðin fór fram, var Sigrún Ósk Kristjánsdóttir sjónvarpskona á Stöð 2 en hún ætlar að fylgjast með ferli Ragnheiðar og vera með regluleg innslög í Ísland í dag.
Ragnheiður sagði frá því á dögunum að hún þráði að létta sig því hún yrði að bæta heilsufar sitt.
„Reyndar er það ennþá gott – en það er ekki spurning um hvort heldur hvenær eitthvað fer að gefa sig vegna þyngdarinnar – ég MUN fá of háan blóðþrýsting, ég MUN fá sykursýki, ég MUN fá slitgigt í hnén og ég gæti fengið krabbamein og dáið fyrir aldur fram… ef ég held áfram að vera þetta þung,“ sagði hún á bloggi sínu.