Nú, á tímum samfélagsmiðla, eru bréfaskriftir ekki mjög tíðar. En þeir sem slitu barnsskónum hér á árum áður kannast kannski við að setjast niður og skrifa sæta orðsendingu til ástvinar.
Ekki nóg með að þetta sé hin krúttlegasta iðja, hefur hún fjölmarga heilsufarslega kosti í för með sér.
Það hefur lengi verið vita að ástundun á þakklæti og gæsku getur dregið úr kvíða, bætt samskipti og dregið úr streitu.
Þegar þú tekur þátt í ánægjulegum athöfnum, líkt og því að skrifa ástarbréf, virkjast viss svæði í heilanum sem stjórna tilfinningum, athygli, og minni líkt og fram kemur í grein Mindbodygreen.
Þess að auki benda rannsóknir til þess að ástarbréfaskrif geti einnig minnkað kólesteról í blóði.
Þar sem Valentínusardagurinn er á næsta leyti er ekki úr vegi að dusta rykið af þessari iðju, gleðja aðra og gera sjálfum sér gott í leiðinni.