Þetta gerist ef þú borðar túrmerik daglega

Túrmerik er ekki bara bragðgott og skemmtilegt krydd, heldur er það allra meina bót líkt og fram kemur í grein Healthy Holistic Living.

Vinnur á bólgum
Langvarandi bólgur eru taldar bera ábyrgð á mörgum sjúkdómum. Kúrkúmín, virka efnið í túrmeriki, er talið geta verið jafn bólguhamlandi eða jafnvel meira en mörg bólguhamlandi lyf á markaðnum.

Verndar heilann
Niðurstöður ýmissa rannsókna hafa leitt í ljós að kúrkúmín getur dregið úr mörgum aldurstengdum heilasjúkdómum.

Minnkar líkur á krabbameini
Túrmerik getur ekki aðeins dregið úr vexti krabbameinsfrumna, heldur getur það einnig hamlað útbreiðslu þeirra.

Bætir meltingu
Dagleg neysla á túrmeriki örvar gallblöðruna, dregur úr uppþembu og gasmyndun og kemur í veg fyrir bólgumyndun í meltingarveginum. Þeim sem þjást af sjúkdómum í gallblöðru er þó ekki ráðlagt að neyta kryddsins daglega.

Gott fyrir hjartað
Kúrkúmín er talið hafa góð áhrif á kólesteról í blóði. Þá er það einnig talið geta dregið úr líkum á blóðtappa og unnið gegn æðakölkun.

Dregur úr gigtareinkennum
Frekari rannsókna er þörf, en margir vilja meina að kryddið gagnist í baráttunni við gigt enda dregur það úr langvinnum bólgum.

Hægir á öldrun
Sindurefni og bólgur eru taldar spila mikilvæga rullu þegar kemur að öldrun, en túrmerik hefur áhrif á báða þessa þætti.

Gott er að bæta túrmeriki í súpur, pottrétti, grænmetisrétti, ýmsan austurlenskan mat, sósur og þeytinga.

Túrmerik er krydd sem gjarnan er notað í indverska matargerð. mbl.is

• Blogga um frétt