„Ég vil meina að ég sé bara nokkuð venjuleg manneskja að öllu leyti öðru en því að ég vinn við að berjast í búri. Lífið í atvinnumennskunni er rétt að hefjast hjá mér en ég tel að það sé ekkert margt að fara að breytast í daglegri rútínu minni þrátt fyrir það. Ég er frá morgni til kvölds, alla daga vikunnar, að búa mig undir bardaga,“ segir bardagakonan Sunna Rannveig Davíðsdóttir sem varð fyrr á árinu fyrsta íslenska konan sem er at vinnumaður í blönduðum bardagaíþróttum, eða MMA eins og það kallast.
Sunna æfir stíft og heldur sér í toppformi enda getur hún verið kölluð í bardaga með skömmum fyrirvara. „Ég er frá morgni til kvölds, alla daga vikunnar, að búa mig undir bardaga. Ég passa ávallt að ég sé í góðu formi, æfi vel, nærist, sofi og sé stöðugt að bæta mig því það getur alveg komið upp með mjög skömmum fyrirvara að ég verði beðin um að mæta í bardaga,“ segir Sunna í viðtali sem mun birtast í Heilsublaði Morgunblaðsins sem kemur út á föstudaginn. Þar segir hún meðal annars frá því af hverju hún fór að stunda MMA og hver viðhorf fólks til íþróttarinnar eru gjarnan.