Smartland Mörtu Maríu | Heilsa | mbl | 7.1.2017 | 6:00 | Uppfært 8:31

„Ég er að springa úr hamingju yfir þessu“

Í fyrra tóku yfir þúsund manns í námskeiðinu hjá Ósk.

„Það er ekkert eins skemmtilegt og að gefa, ég er hreinlega að springa úr hamingju yfir þessu,“ segir Guðbjörg Ósk Friðriksdóttir þerapisti en hún ætlar að bjóða landsmönnum upp á frítt netnámskeið sem ber heitið: ÉG GET - VERTU MEÐ. Námskeiðið hefst 9. janúar og stendur yfir í þrjár vikur. „Þetta verða þrjár hressandi, skemmtilegar og ógleymanlegar vikur sem þú munt vilja endurtaka aftur og aftur enda getur þú haldið áfram að framkvæma þær eins oft og þú vilt út allt árið. Þú lærir aðferðir sem verður svo skemmtilegt að stunda að þú getur ekki hætt.“

Námskeiðið ÉG GET - VERTU MEÐ inniheldur skemmtilegan fróðleik og skotheldar aðferðir til að láta drauma rætast, auka hamingju og ánægju, gera lífið ævintýralegra, meira gefandi og spennandi. Ósk segir að með námskeiðinu muni fólk upplifa eitthvað nýtt á hverjum degi og hlakka til að vakna á morgnana. Og hver vill það ekki? Þrjú meginþema námskeiðsins eru; FAGNAÐU - ÞAKKAÐU – SKORAÐU!

Námskeiðið ÉG GET - VERTU MEÐ inniheldur skemmtilegan fróðleik og skotheldar aðferðir til að láta drauma rætast, auka hamingju og ánægju og gera lífið ævintýralegra, meira gefandi og spennandi. Upplifa eitthvað nýtt á hverjum degi og hlakka til að vakna á morgnana. Það eina sem þú þarft að gera til að vera með er að senda tölvupóst á osk@osk.is og óska eftir þátttöku. „Einu sinni í viku mun ég svo senda póst með fróðleik, verkefnum og hvatningu.“

Í fyrra tóku yfir þúsund manns þátt í námskeiðinu en Ósk segir mikla orku myndast í fjöldanum. „Eftir því sem fleiri verða með þá mun orkan allt í kringum hvern og einn aðila aukast eða hækka. Þegar það gerist er auðveldara fyrir alla að láta draumana sína rætast því þá mun orkan færa öllum byr undir báða vængi og opna fyrir möguleika og sýna hverjum og einum leiðir og lausnir sem honum hefði aldrei dottið í hug, upp á eigin spýtur.“ Ósk hvetur því bókstaflega alla til að vera með. „Finnum kraftinn og sjáum hvað getur gerst ef við erum öll saman að stefna hærra, lengra og á betri stað en nokkru sinni.“