Lotuþjálfun dregur úr öldrun

Bandarískir rannsakendur fundu það út að lotuþjálfun er besta þjálfunin til að draga úr öldrun hjá fólki á aldrinum 65 ára til 80 ára samkvæmt Women's Health. 

Rannsóknin gekk út á að finna hvers konar þjálfun hjálpar til við að draga úr öldrun. Gerðar voru prófanir annars vegar á fólki á aldrinum 18 til 30 ára og hins vegar á fólki á aldrinum 65 til 80 ára.

Lotuþjálfun kom betur út en styrktarþjálfun í rannsókninni. mbl.is/Thinkstockpotos

Prófaðar voru þrenns konar æfingakerfi, lotuþjálfun, styrktaræfingar og blanda af styrktar- og lotuþjálfun. Í lotuþjálfuninni dór úr öldrun fruma hjá eldri um 69 prósent þátttakenda en hjá 49 prósent yngri þátttakenda. Lotuþjálfunin fór þannig fram að teknir voru hraðir hjólasprettir og hjólað hægar inn á milli.

Öll æfingakerfin hjálpuðu til við að draga úr líkum á sykursýki þó svo að lotuþjálfunin hefði mestu áhrifin. Styrktarþjálfunin kom síðan best úr þegar tekið var tillit til vöðvauppbyggingar.

• Blogga um frétt