Vísindamenn hafa fundið það út að karlmenn sem stunda mikla líkamsrækt hafi minni kynhvöt. Um leið og karlmaður gortar sig af líkamlegu atgervi sínu getur hann verið að koma upp um litla kynhvöt.
Indy100 greinir frá rannsókn þar sem samband hreyfingar og kynhvatar var kannað. Í ljós kom að þeir sem stunduðu miklar þolæfingar voru með minni kynhvöt en þeir sem stunduðu þær lítið.
Næst þegar þegar karlmaður nennir ekki á æfingu hefur hann að minnsta kosti eina haldbæra afsökun, sérstaklega ef makinn kvartar yfir hreyfingaleysinu.