Vill fá rúmar 900 milljónir fyrir íbúðina

Heimili leikkonunnar Michelle Williams er til sölu hjá fasteignasölunni Brown Harris Stevens fyrir 911 milljónir króna, hvorki meira né minna. Um glæsilega fjögurra hæða íbúð í New York er að ræða.

Samkvæmt heimasíðu fasteignasölunnar er fjögurra metra lofthæð í íbúðinni, innbyggt hljóðkerfi og eldstæði svo eitthvað sé nefnt. Á þaki íbúðarinnar er að finna glæsilegan garð þar sem hægt er að baða sig í sólinni. Íbúðin hefur einnig að geyma vínkjallara, sex svefnherbergi og fimm baðherbergi.

Á heimasíðu fasteignasölunnar BHS má lesa nánar um íbúðina og skoða fleiri myndir.