Fagurkerinn Guðrún Hafdís Arnljótsdóttir starfar hjá Home Magazine en hún hefur brennandi áhuga á tísku og hönnun. Heimili Guðrúnar er afar smekklegt og áhugavert en svartur og hvítur litur eru þar í stóru hlutverki.
Hver er uppáhaldsstaðurinn þinn heima? Stofan. Að sitja í sófanum og skoða góðar bækur og flott blöð með gott kaffi og kertaljós er í uppáhaldi.
Hver er þín uppáhaldsverslun? Magnolia er algjöru uppáhaldi. Svo eru verslanirnar Madison Ilmhús, Heimili og Hugmyndir, Snúran, Spaksmannsspjarir og fleiri líka flottar.
Hver er uppáhaldshluturinn þinn? Ég elska Nespresso-kaffikönnuna mína.
Áttu þér uppáhaldshúsgagn? Ég er voða veik fyrir flottum stólum, ég held upp á Eames stólana mína og Barcelona-stóllinn minn.
Eldarðu mikið heima? Ég var miklu duglegri að elda og prófa allskonar nýtt hér áður fyrr, ég hef ekki verið nógu dugleg í eldamennskunni undanfarið.
Áttu þér uppáhaldsliti? Ég verð að viðurkenna að ég er ekki mjög litaglöð. Uppáhalds litirnir mínir eru svart, grátt, beige og hvítt. Svo er ég mjög hrifin af öllu sem er röndótt.
Ertu dugleg að taka til og henda því sem þú notar ekki? Nei, Er alls ekki nógu dugleg að henda. Það sést í geymslunni minni, hún er full af dóti og sumt þar inni er ansi gamalt.
Finnst þér gaman að fá gesti heim? Já, mér finnst mjög gaman að fá gesti heima og halda matarboð.
Hvar færð þú innblástur? Ég fæ innblástur úr bókum og blöðum og af Instagram og Pinterest og auðvitað bara úr umhverfinu.
Hver eru þín uppáhaldstímarit? Rum, breska Elle Decoration og Home Magazine.
Hvernig er draumaheimilið þitt? Ég er margoft búin að hanna draumaheimilið í huganum, vonandi verður það einhvern tímann að veruleika. Bjart og rúmgott eldhús og fataherbergi væri draumur.
Áttu einhver ómissandi húsráð? Bara þetta gamla góða, að ganga frá eftir sig jafnóðum.