„Kramin“ íbúð á 60,7 milljónir

Þessi einstaka tveggja herbergja íbúð í London er til sölu. Íbúðin, sem er 30 fermetrar, er einstök að því leyti að hún er aðeins 2,5 metrar á breidd því hún er „kramin“ á milli tveggja venjulegra húsa. Ásett verð er um 60,7 milljónir króna.

Lóðin sem fylgir íbúðinni er þó stór eða um fimm sinnum stærri en íbúðin sjálf. Í garðinum er þá skúr sem er breiðari en íbúðin.

Íbúðin hefur verið á markaðnum í um viku en fasteignasalinn Russell Gooden segir margt fólk hafa sýnt eigninni áhuga. „Ég hef aldrei séð neitt þessu líkt,“ sagði Gooden.

Fleiri myndir af íbúðinni einstöku má sjá á Daily Mail.

Teikning af „krömdu“ íbúðinni. dailymail.co.uk

• Blogga um frétt