Smekkfólk í Garðabæ selur einbýlishúsið

Við Kríunes í Garðabæ stendur reisulegt og smart einbýlishús sem er falt fyrir 94,5 milljónir. Húsið, sem er á tveimur hæðum, er rúmir 314 fermetrar en því fylgir rúmgóður bílskúr og stór garður með heitum potti.

Húsið hefur mikla möguleika enda hafa núverandi eigendur innréttað það á smekklegan hátt. Í forstofunni tekur stóll eftir Arne Jacobsen á móti manni og skemmtileg silfruð loðmotta prýðir gólfið.

Frá forstofu er gengið upp sérlega glæsilegan og sérhannaðan stiga í tvær samliggjandi stofur.

Falleg hönnun einkennir svo stofurýmið en í annarri stofunni er Flower-borðið frá Swedese sem fæst í Epal og á borðinu er að sjálfsögðu Iittala skál og Cubus kertastjakinn vinsæli. Í stofunni er þá arinn en núverandi eigendur hafa stillt LC4 stólnum frá Le Corbusier upp fyrir framan eldstæðið og útkoman er smart. Ítalskar marmaraflísar eru svo gegnumgangandi í húsinu en þær eru í forstofunni, í stofunni og á baðherbergjum.

Það er greinilega smekkfólk sem býr á Kríunesi.

Áhugasamir geta kynnt sér eignina nánar á fasteignavef mbl.is.

Núverandi eigendur eru greinilega hrifnir af Kartell. Fasteignasalan Torg.

Stóll eftir Arne Jacobsen setur svip sinn á forstofuna. Fasteignasalan Torg.

• Blogga um frétt