Hvernig ætlar þú að koma öllu fyrir þegar gólfplássið er takmarkað? MKCA hönnuðu íbúð í New York með færanlegum vegg og færanlegu sjónvarpi og rúmi. Eins og sést á myndunum er ótrúlegt að allt hafi komist fyrir í þessu litla rými.
Fólk á Íslandi þekkir það fæst að þurfa að nýta plássið vel en úti í hinum stóra heimi eins og í New York er hver fermetri sem gull sem þarf að nýta vel.
Færanlegi veggurinn í miðri íbúðinni býr til allskonar stemningu. Stundum er gott að slaka bara á í stofunni og hafa ágætt gólfpláss en stundum þarf fólk líka að sofa og þá er veggurinn færður til.