Innanhússarkitektinn Rut Káradóttir hannaði allar innréttingar í 176 fm íbúð í Skuggahverfinu. Íbúðin er sérstaklega glæsileg. Allar innréttingar eru úr dökkbæsaðri eik og á gólfunum eru 60x60 flísar frá Casa Dolce Casa.
Eldhúsið og stofan renna saman í eitt og eru sérsmíðaðar bókahillur í íbúðinni í stíl við eldhúsinnréttingu og innihurðir. Mikið er lagt í lýsingu í íbúðinni og er húsgögnum raðað smekklega saman.
Úr íbúðinni er heillandi útsýni yfir sundin blá og Esjuna. Í íbúðinni eru síðir gluggar og fær útsýnið þar af leiðandi að njóta sín enn betur.
Einkahlutafélagið VB Bakki er skráður eigandi íbúðarinnar.
HÉR er hægt að skoða íbúðina nánar.