Við Bollagarða 20 á Seltjarnarnesi stendur glimrandi fallegt 274 fermetra einbýlishús á einni hæð.

Húsið er sérlega fallegt, en það var endurnýjað á vandaðan og afar smekklegan máta árið 2007. Lóðin var að sama skapi tekin í gegn, en þar er meðal annars að finna stóra afgirta verönd og heitan pott.

Í húsinu eru þrjú svefnherbergi, tvö baðherbergi og huggulegt fjölskylduherbergi. Þá eru innanstokksmunir til stakrar prýði og innréttingar afar smekklegar.

Frekari upplýsingar má finna á fasteignavef mbl.is.