„Kaktus og ananas eiga það sameiginlegt að hafa mjög einstakt útlit og lögun frá náttúrunnar hendi. Á síðustu árum hefur ananas heimilisvara komið sterkt inn bæði til punts og líka á praktískari hlutum, þar sem myndir og prent af honum hafa verið settar á hina ýmsu hluti,“ segir Anna María Benediktsdóttir sem heldur úti síðunni Ég er kominn heim á Facebook.
Anna María segir að ananasinn eigi undir högg að sækja.
„Á næstu misserum munu vinsældir ananassins fara minnkandi og kaktus koma í staðinn, bæði lifandi og sem styttur og áprent, enda mjög smart.
Einnig hafa vinsældir uglunnar dvínað á síðustu misserum, hennar tími er kominn og farinn. Ég spái því að tímaglös komi sterk inn á næstunni, þau fást orðið í flottum decor-verslunum víða um heim og eru vonandi á leiðinni til Íslands í auknum mæli enda tímalaus hönnun og nýtist vel á mörgum heimilum t.d. til að taka tímann við heimanám barnanna,“ segir hún.
Þið getið fylgst með Önnu Maríu á Snapchat: egerkominheim