Á Kirkjuteigi í Reykjavík er að finna litla og sæta íbúð sem er nú komin á sölu. Hugsað hefur verið vel út í heildarútlit íbúðarinnar en tekk er gegnum gangandi í öllum herbergjum.
Tekkinu er blandað fallega saman við persónulega muni og svarta skápa, en eldhússkápar jafnt sem svefnherbergisskápar eru svartir. Allt þetta er síðan poppað upp með grænum plöntum og hugvitsamlega hönnuðum fataslám og ljósahengjum úr við.