Aðventustjakinn frá Kähler klikkar ekki

Þar sem ég er mikil plöntukona ákvað ég að skreyta stjakann með litlum þykkblöðungum sem ég raðaði á til að byrja með. Síðan fyllti ég upp í stjakann með hreindýramosa og skreytti að lokum með nokkrum könglum. Gráu kertin finnst mér svo passa vel við náttúrulega þemað í kransinum,“ útskýrir Hafdís sem hefur notað aðventustjakann frá Kähler síðustu fern jól en hún hefur alltaf skreytt hann á ólíkan hátt fyrir hver jól. „Hráefnið sem ég notaði er auðveldlega hægt að fá úr náttúrunni, fyrir utan þykkblöðungana sem fást í blómabúðum. En þar sem að ég var svolítið á síðustu stundu að útbúa kransinn þá keypti ég allt hráefnið í næstu matvörubúð hér í Danmörku.“

Heldur öllu skrauti í lágmarki

Hafdís segir stíl sinn vera mínimalískan og einkennast af skandinavískum straumum „Ég held litum í lágmarki og er mikið fyrir plöntur og hluti sem minna á náttúruna. Þannig að kransinn í ár er alveg í takt við minn stíl. Ég hef aldrei verið mikið jólabarn þó að mér finnist auðvitað gaman á jólunum með fjölskyldunni. Ég held t.d. jólaskrauti í lágmarki og kaupi mér bara tilbúnar smákökur ef mig langar í þær,“ segir hún að lokum.