Lækna Tómas fékk hund í jólagjöf

Tómas Guðbjartsson var ekki sérlega ánægður þegar honum var færður hundur í jólagjöf. Hann skilaði jólagjöfinni. 

Tómas með geltandi jólagjöfina sem hann skilaði.

„Þeir sem þekkja mig vita að ég hef allt tíð verið frekar smeykur við hunda. Af hverju veit ég ekki - en það er staðreynd að hundum finnst ég spennandi - án þess að það sé endilega endurgoldið. Bræðrum konu minnar, sem voru boðnir til okkar á aðfangadag, fannst tilvalið að bregða á leik og gefa mér óvænta jólagjöf. Mættu þeir með risastóran pakka sem ég hélt að væri húsgagn eða nýtt útigrill. Í staðinn reyndist pakkinn innihalda hundabúr og í honum hundurinn Píla, sem beið þar grafkjurr. Einnig fylgdi jólakort utan á búrinu. Mér varð ótrúlega brugðið - sem vakti mikla kátínu annarra fjölskyldumeðlima. Eftir að hafa knúsað hundinn, og tekið mynd af því (mjög stutt móment), tókst mér loks að lokka hann aftur inn í búrið sitt. Ákvað síðan að gefa hann aftur til fyrrum eiganda síns. Ég fór því ekki í hundana um þess jól - og get staðfest að ég er ekki læknaður af hundahræðslu,“ segir Tómas á Facebook-síðu sinni. 

• Blogga um frétt