Berglind Guðmundsdóttir matarbloggari á Gulur, rauður, grænn og salt gerði lax með engifer- og hvítlauksmarineringu sem sló algerlega í gegn. Uppskriftin er fyrir fjóra.

1 laxaflak (um 800 g)
5 msk hlynsíróp
70 ml vatn
1 msk engifer, rifinn
2 hvítlauksrif, pressuð
1 tsk rauðar piparflögur

Aðferð:

1. Setjið síróp, vatn, engifer, hvítlauk og piparflögur saman í pott og hitið þar til þetta hefur blandast vel saman. Kælið lítillega.
2. Setjið laxinn í ofnfast mót og hellið marineringunni yfir.
3. Eldið í ofni við 200°c í 12-14 mín.
4. Berið fram með fetaostskartöflumús og góðu salati.

Fetaostskartöflumús

500 g kartöflur
180 g smjör
1/2 tsk salt
mjólk eftir þörfum
100 g fetaostur
1 grilluð paprika, skorin í bita

Aðferð:

1. Skrælið kartöflurnar og sjóðið í söltu vatni í 20 mín. eða þar til þær eru soðnar í gegn.
2. Stappið þær og bætið smjöri og salti saman við. Smakkað til með mjólk þar til kartöflumúsin hefur náð æskilegri áferð.
3. Blandið fetaosti og grillaðri papriku saman við.

Tengdar fréttir

Uppskriftir

Eðal hrákaka Önnu Eiríks

• Einfalt skinkupasta með kjúklingi og brokkolí
• Helga Magga mælir með vöfflum í nestisboxið
• Salat vikunnar: Gómsætt kjúklingasalat með sætum kartöflum
• Mexíkósk súpa að hætti Ellu Stínu

» Fleiri tengdar fréttir

• Blogga um frétt