Matur | mbl | 15.7.2014 | 7:00 | Uppfært 30.7.2014 9:34

Núðlur í hnetusmjörs- og hunangssósu

Hnetusmjörs- og hunangsnúðlur með grænmeti og kjúkling. Ljósmynd/Gulur Rauður Grænn og Salt

Tilvalið er að henda í núðlur þegar maður vill elda eitthvað fljótlegt og gott. Það eina sem þarf í góðan núðlurétt er kjöt, gott grænmeti, núðlur og sósa að eigin vali og hér eru Gulur rauður grænn og salt með æðislega góða uppskrift af núðlum í hnetusmjörs- og hunangssósu.

Þetta fer í uppskriftina:

120 ml kjúklingasoð
8 g engiferrót, rifin
45 ml sojasósa, t.d. frá Blue Dragon
50 g hnetusmjör
20 ml hunang
10 g chilipaste, t.d. frá Blue Dragon
3 hvítlauksrif, pressuð
250 g eggjanúðlur, t.d. frá Blue Dragon
1 búnt vorlaukur, saxaður
30 g salthnetur, saxaðar

Sjóðið núðlurnar samkvæmt leiðbeiningum.

Setjið kjúklingasoð, engifer, sojasósu, hnetusmjör, hunang, chilimauk og hvítlauk saman í pott. Hitið þar til hnetusmjörið hefur bráðnað og blandan er orðin heit. Bætið þá núðlunum saman við og blandið vel saman. Stráið vorlauk og salthnetum yfir allt.

Auðvelt og gott!