Ómótstæðilegar súkkulaðimuffins

Girnilegar súkkulaðimúffins.
Girnilegar súkkulaðimúffins. Ljósmynd/Berglind Guðmundsdóttir

„Þegar ég hugsa um fullkomnun í bakstri hefur hugurinn oft leitað til Melkorku muffins sem færðu mig og aðra sem þær smökkuðu til muffinshimna. Þessar súkkulaðimuffins með rjómaostafyllingu eru nú komnar í sama flokk enda algjörlega ólýsanlega góðar og verða að komast á to do listann þinn,“ segir Berglind Guðmundsdóttir hjúkrunarfræðingur og matarbloggari á Gulur, rauður, grænn og salt.

IMG_2411Súkkulaðideig sett í muffinsform.

IMG_2418Rjómaostakrem sett yfir.

IMG_2453

 Að lokum er rjómaostaglassúr sett ofan á. 

IMG_2512…og þeirra notið.

Súkkulaðimuffins með rjómaostafyllingu
ca. 12 stk.

Súkkulaðimuffins

200 g Kornax hveiti
125 g sykur
40 g kakó, t.d. frá Nóa og Síríus
1/2 tsk. natron
½ dl olía
1 ½ tsk. hvítvínsedik
½ tsk. vanilluextract

Rjómaostafylling

150 g rjómaostur
60 g sykur
1 egg
½ tsk. vanilludropar
hnífsoddur salt
100 g Nóa og Síríus súkkulaðidropar

Rjómaostaglassúr

300 g flórsykur
20 g ósaltað smjör
125 g rjómaostur (við stofuhita)

  1. Gerið súkkulaðimuffins með því að blanda saman hveiti, sykri, kakói og natroni. Í aðra skál hrærið saman olíu, ediki, vanilludropum ásamt 1½ dl af vatni.  Hellið því rólega út í hveitiblönduna og þeytið á meðan. Látið í muffinsform og fyllið ca. 2/3 af forminu.
  2. Þeytið rjómaost, sykur, egg, vanillu og salt saman þar til það er orðið jafnt og loftkennt.  Bætið við súkkulaðidropunum varlega með sleif. Setjið um matskeið af ostafyllingunni ofan á kökublönduna og bakið í 170°c heitum ofni í sirka 20 mín. eða þar til ostafyllingin hefur fengið jafnan gullinn lit. Varist að baka þær of lengi því þá verður fyllingin þurr.
  3. Takið kökurnar út og leyfið þeim kólna smávegis í forminu. Takið svo kökurnar úr formunum og leyfið þeim að kólna alveg.
  4. Gerið rjómaostaglassúrinn með því að hræra flórsykur og smjör saman. Bætið rjómaosti saman við og hrærið í um 3 mínútur eða þar til blandan er orðin létt og ljós.
  5. Þegar kökurnar eru orðnar kaldar smyrjið þá rjómaostaglassúrnum á og skreytið með því að sigta smákakó yfir.
mbl.is
Fleira áhugavert
Fleira áhugavert