Tófú, kínóa, avókadó og sólþurrkaðir tómatar. Hljómar vel, ekki satt? Þessar safaríku vegan-vefjur innihalda allt þetta og meira til. Uppskriftin er af heimasíðunni EdiblePerspective.

Hráefni

• Vegan sesar-sósa (uppskrift)
• 400 g tófú, skorið í bita
• 1 poki spínat
• 3 bollar elduð kínóa
• 2-3 teskeiðar sólblómaolía
• 1 avókadó, skorið í bita
• sólþurrkaðir tómatar
• salt og pipar
• 1 kálhaus

Aðferð:

1. Staflaðu spínatinu upp og skerðu það niður í ræmur. Settu svo 3-4 bolla af því í skál með elduðu kínóafræunum.
2. Steiktu tófúið á pönnu í ólífuolíu í nokkrar mínútur eða þar til það er orðið gyllt. Saltaðu og pipraðu eftir smekk.
3. Láttu tófúið kólna og settu það svo í skálina með kínóafræjum og spínati.
4. Bættu svo sesar-sósu, salti og pipar út í skálina eftir smekk.
5. Bættu að lokum avókadó og sólþurrkuðum tómötum við.
6. Þessi blanda er þá vafin inn í stór salatblöð. Þá er gott að hafa sesar-sósu til hliðar.

Verði þér að góðu!

Tófúið gyllt og girnilegt á pönnunni. www.edibleperspective.com

Tengdar fréttir

Uppskriftir

Helgarkokteillinn: Mateyjarkokteill Einsa Kalda

• Kjúklingaleggir sem krakkarnir eiga eftir að elska
• Eðal hrákaka Önnu Eiríks
• Einfalt skinkupasta með kjúklingi og brokkolí
• Helga Magga mælir með vöfflum í nestisboxið

» Fleiri tengdar fréttir

• Blogga um frétt