Matur | mbl | 26.11.2014 | 17:07

Ljúffengir „vegan“-kanilsnúðar

Kremið gerir snúðana virkilega ,,djúsí''. www..veganricha.com

Þessir kanilsnúðar eru vægast sagt verulega girnilegir. Uppskriftin kemur af vefsíðunni Vegan Richa.com. Snúðarnir, sem bragðast best volgir, myndu örugglega slá í gegn í hvaða kaffiboði sem er. Snúðarnir henta þeim sem eru vegan.

Hráefni

Snúðar:

¼ bolli volgt vatn
¼ bolli möndlumjólk
1 matskeið hlynsíróp
2 teskeiðar ger
¼ bolli hveiti
¼ bolli kasjúhnetuhveiti (kasjúhnetur malaðar í matvinnsluvél)
¼ bolli heilhveiti
½ teskeið salt
½ teskeið lyftiduft
2 matskeiðar olía
2 matskeiðar hrásykur

Fylling:

2 matskeiðar kókosolía
1/3 bollar hrásykur
2 matskeiðar kanill

Krem:

¼ bolli hrásykur
½ teskeiðar instant-kaffi
1 teskeið olía
½ teskeið möndlumjólk
2 til 4 teskeiðar hlynsýróp
klípa salt

Aðferð

Blandaðu vatni, 1 matskeið sykri og geri saman í stóra skál. Hrærðu vel og láttu standa í um fimm mínútur.
Blandaðu þá lyftiduftinu, sykrinum, olíunni, kasjúhnetuhveitinu og möndlumjólkinni saman við. Hrærðu í deiginu með skeið og hnoðaðu það svo með höndunum í tvær mínútur. Láttu deigið standa í um klukkustund.
Núna má fletja deigið út. Berðu kókosolíuna á útflatt deigið og stráðu svo hrásykri og kanil yfir allt saman. Rúllaðu svo deiginu upp og skerðu það í hæfilega stóra bita, svo úr verða litlir snúðar. Dýfðu botninum á hverjum snúð í smá hveiti og raðaðu snúðunum svo í kökuform (í smurt form eða á bökunarpappír). Þegar snúðarnir eru komnir í formið er gott að úða smá vatni yfir þá. Legði viskustykki yfir kökuformið og láttu deigið rísa í um klukkustund.
Bakaðu svo snúðana í 18-20 mínútur í 190°C heitum ofni eða þar til snúðarnir eru orðnir gylltir.

Krem:

Á meðan snúðarnir bakast er sniðugt að undirbúa kremið.

Blandaðu öllu hráefninu saman í skál þar til þykk áferð næst. Bættu möndlumjólk út í eftir þörfum. Þegar snúðarnir eru tilbúnir getur hver og einn sett eins mikið krem og hann vill á sinn snúð.