Linsubaunir eru undirstaðan í þessum gómsætu „brownies“ sem kemur sér vel þar sem linsubaunir eru meinhollar. Þær eru ekki aðeins próteinríkar heldur innihalda þær einnig járn, sink og bíótín. Bíótín ýtir undir endurnýjun á húðfrumum og kemur í veg fyrir hárlos. Uppskriftin kemur af heimasíðunni AmbitiousKitchen.com. Athugið að kakan hentar þeim sem eru vegan svo lengi sem súkkulaðinu er skipt út fyrir vegan-súkkulaði.

Hráefni:

• 1/2 bolli linsubaunir
• 1/2 bolli hnetusmjör
• 1/3 bolli hlynsíróp
• 1 matskeið vanilludropar
• 1 bolli hafrar
• 1/2 teskeið matarsódi
• 1/4 teskeið sjávaralt
• 1/3 bolli súkkulaðispænir 

Aðferð:

• Settu linsubaunirnar í pott ásamt einum bolla af vatni og láttu sjóða. Lækkaðu þá hitann og láttu malla í 10-15 mínútur eða þar til baunirnar eru orðnar mjúkar. Færðu linsubaunirnar yfir í matvinnsluvél ásamt nokkrum matskeiðum af vatni. Láttu matvinnsluvélina vinna baunirnar í mauk. Settu til hliðar.
• Forhitaðu ofninn í 180°C.
• Malaðu hafra í matvinnsluvél. Settu hafrana þá í stóra skál ásamt matarsóda og salti, hrærðu öllu saman.
• Þeyttu svo hnetusmjörinu, sírópinu og vanillunni saman. Bættu linsubaunamaukinu saman við og hrærðu. Að lokum er hafrablöndunni og súkkulaðinu bætt út í deigið og öllu blandað saman með sleif.
• Deiginu er svo hellt í smurt bökunarform. Þá er sniðugt að strá smá súkkulaði ofan á deigið, það gerir kökuna enn girnilegri.
• Kakan er svo bökuð í 20-25 mínútur. Láttu kökuna kólna og skerðu hana síðan niður í hæfilegar sneiðar.

Verði þér að góðu!

Girnilegt! www.ambitiouskitchen.com

Tengdar fréttir

Uppskriftir

Kjúklingaleggir sem krakkarnir eiga eftir að elska

• Eðal hrákaka Önnu Eiríks
• Einfalt skinkupasta með kjúklingi og brokkolí
• Helga Magga mælir með vöfflum í nestisboxið
• Salat vikunnar: Gómsætt kjúklingasalat með sætum kartöflum

» Fleiri tengdar fréttir

• Blogga um frétt