Volg gulrótarkaka getur hreinlega ekki klikkað. Þessa köku er tilvalið að bjóða upp á í t.d. afmælisveislunni eða í sunnudagskaffinu. Uppskriftin birtist á facebooksíðu Kornax. 

Kakan:

• 5 dl KORNAX-hveiti
• 5 dl sykur
• 3 tsk lyftiduft
• ½ tsk matarsódi
• 1 tsk salt
• 2 tsk kanill
• 1 tsk engifer
• 2 dl olía
• 4 Nesbúegg
• 5 dl gulrætur (rifnar)

Aðferð:

1. Setjið öll þurrefni saman í skál, blandið öllum vökvanum saman við þurrefnin og hrærið saman með sleif.
2. Rífið gulræturnar með rifjárni og blandið saman við deigið.
3. Smyrjið form að innan með olíu, smjöri eða úða og hellið deiginu í formið.
4. Bakið við 180°C hita í um það bil 45 mín., neðarlega í ofni eða þar til prjóni er stungið í kökuna miðja og ekkert deig festist við hann.
5. Kælið kökuna.

Kremið:

• 150 g rjómaostur
• 250 g flórsykur 
• rifinn sítrónubörkur

Aðferð:

Hrærið saman hráefnunum og smyrjið á kalda kökuna.

Svona lítur kakan út áður en kremið er sett á. Facebook @ Kornax

Tengdar fréttir

Uppskriftir

Kjúklingaleggir sem krakkarnir eiga eftir að elska

• Eðal hrákaka Önnu Eiríks
• Einfalt skinkupasta með kjúklingi og brokkolí
• Helga Magga mælir með vöfflum í nestisboxið
• Salat vikunnar: Gómsætt kjúklingasalat með sætum kartöflum

» Fleiri tengdar fréttir

• Blogga um frétt