Hérna kemur uppskrift að geggjaðri hveitilausri pistasíuköku. Uppskriftin kemur af heimasíðunni CookRepublic. Kakan er fallega græn á litinn en litinn má líka ýkja með smá matarlit.

Hráefni

• 2 bollar möndlur 
• 1 1/2 bollar pistasíuhnetur
• 1 bolli hrásykur
• 1 teskeið kardimomma
• 1 matskeið rifinn sítrónubörkur
• 2 egg
• 5 eggjahvítur
• klípa af salti

Aðferð

1. Láttu möndlurnar liggja í bleyti í um 30 mínútur. Þerraðu þær svo.
2. Forhitaðu ofninn í 160°C. Smyrðu 22 cm hringlótt kökuform og settu bökunarpappír ofan í það.
3. Settu möndlurnar, pistasíuhnetur, sykur, kardimommu og salt í matvinnslu mér og láttu vélina vinna í blöndu sem minnir einna helst á brauðmylsnu. Færðu mylsnuna yfir í stóra skál og bættu eggjum, eggjahvítu og sítrónuberki saman við. Hrærðu vel.
4. Settu blönduna í kökuformið og sléttu úr yfirborðinu. Bakaðu kökuna í um eina klukkustund og korter eða þar til kakan hefur tekið á sig fallegan gylltan lit. Láttu kökuna kólna örlítið áður en hún er skorin í sneiðar.

Kakan inniheldur meðal annars möndlur og pistasíuhnetur. www.cookrepublic.com

Tengdar fréttir

Uppskriftir

Ljúffengt ferðalag til bernskusumarsins

• Helgarkokteillinn: Mateyjarkokteill Einsa Kalda
• Kjúklingaleggir sem krakkarnir eiga eftir að elska
• Eðal hrákaka Önnu Eiríks
• Einfalt skinkupasta með kjúklingi og brokkolí

» Fleiri tengdar fréttir

• Blogga um frétt